Tuesday, August 9, 2011

Sleep Well





Sleep weel, my bairnie, sleep.
The lang, lang shadows creep,
The fairies play on the munelicht brae
An' the stars are on the deep.

The auld wife sits her lane
Ayont the cauld hearth-stane,
An' the win' comes doon wi' an eerie croon
To hush my bonny wean.

The bogie man's awa',
The dancers rise an fa'
An' the howlet's cry frae the bour-tree high
Comes through the mossy shaw.

Sleep weel, my bairnie, sleep.
The lang, lang shadows creep,
The fairies play on the munelicht brae
An' the stars are on the deep.

Meaning of unusual words:
bairnie=child
munelicht brae=moonlit hillside
her lane=alone
Ayont=beyond
croon=wailing song
bogie man=ghost
howlet=owl
bour-tree=elder tree
shaw=flat ground at the foot of a hill

by Murdoch Maclean.





In the days when children did not have their own bedroom, parents were far more likely to talk to their children to encourage them to get to sleep, as in this poem.

No comments:

The Rams Horn

The Rams Horn on Facebook